Yhissykšen ruato

Pielisen Tietoniekkakeškukšen tavottehena on eistyä šuomelaisen tietoniekka- ta šamaniperintehen jatkumuo, liijaten šen nykysie jiävintöjä ta šyvyä yhtevyttä luontoh. Pielisen Tietoniekkakeškuš keryäy tukkuh, luatiu tovekši, elävyttäy ta ielläh eistäy karjalaisella kulttuurilla omaluatusie tietäjäperintehie, kuin vuuvvenkierron ta luonnon ilmijöjen šeuruanta, rahvahanparentamini, rahvahanrunohuš ta šyömis-, käsiruato- ta rakennušperintehet.

Yhissykšen tavottehena on hankkie toimintua varoin ryhjäkohta tahi talo, kumpasešša aššutah mytologiseh aikah ta tilah, taitehen ta pyhän čerih. Šiinä noššatetah, kunnoššetah ta pietäh hyvin šiih kuulujie perintehellisie karjalaisie rakennukšie.

Pielisen Tietoniekkakeškuš kaččou, jotta tietoniekan nerojen lähteh on šyvä ta šillä on monišuuntani yhtevyš luonnon kera. Yhissyš vualiu luonnon monimuotosutta ta kaikkien elukka- ta kašvilajien taša-arvosutta. Yhissyš opaštau kuin elyä luonnonmukasešti ta luonnon ičen ehtoloilla.

Yhissykšen tavottehena on virottua unohettuja perintehie; muistamalla, päivittämällä ta perintehien mukah elämällä nykyseššä yhtehiskunnašša. Yhissyšruato peruštuu tutkittuh tietoh ta eläväh pohjoseh perinteheh, kumpasen šyväin on karjalaisešša, šuomelaisešša, itämerenšuomelaisešša ta šuomelais-ugrilaisešša kulttuuriperinteheššä.

Vuuvvenkiertoh ta mytologijah pohjautujat pruasniekat, seremoniet ta ritualit ollah yhissykšen ruavon perušta. Yhissykšen ruavon tarkotukšena on tukie tietoniekkaperintehien uutta eččijie ruatotapoja ta -mänetelmie. Yhissykšen tavottehena on šuattua tietoniekka- ta šamaniperinneh lujakši ošakši yhtehiskunnallista pakinua ta koko yhtehiskuntua.

Pielisen Tietoniekkakeškuš eistäy rahvahanparannukšen tuntomista, tutkimušta, yhtehisruatuo ta ruantamahollisukšie, tai rahvahan liäkinnän tietohutta ta luonnonmukasie parentamisneuvoja. Yhissyš noštau näkövih vanhua kylyperinnehtä ta kylyperintehien parennuš- ta elokšenkiertoh liittyjyä käyttyö.

Yhissyš tuou yhteh rahvahanmoisen ta šamanistisen taitehen luatijie ta antau ruatomahollisukšie kulttuuri- ta perinnehpitojen tai verkoštoitumisen avulla.

Matkailuh nähen yhissyš tuou näkövih ta välittäy Pielisen Karjalan omaluatuista šamanistista harakterie ta istorijua šuomelaisen tietäjäperintehen voimapaikkana. Še toteutuu luonnon ta paikalliskulttuurin pyhie kohtie kunnivoittuan. Esituattojen ta -muamojen ammuset elinšijat, keräytymispaikat ta kulkutiet ollah yhissykšen ruannalla tärkiet.

Pielisen Tietoniekkakeškuš luatiu kanšoinvälistä ta pohjoismaista yhtehisruatuo. Keškuš luou linkkijä kantarahvahien kulttuuriloih, välittäy niijen muailmankuvua, ta eistäy verkoštoitumista ta ruatau kanšoinvälisien projektien eteh.

Yhissyš šuattau yhteh rahvašta, kumpasilla on himuo tietoniekkaneroloih: šamanistisih juuriloih, karjalaiseh kulttuurih ta mytologijah, luonnonväkeh, luonnonmukaseh elokšeh ta yhtehisöllisyöh. Yhissyš auttau šiih kuulujua rahvašta ta šen ruatoh osallištujien viän lisäytymistä ta hyvinvointie, kumpasien peruštana ollah kulttuuriset juuret ta luonto.

Jäšenyš

Yhissykšen jäšenekši liittymällä piäšet ošallistumah Pielisen Tietoniekkakeškukšen noššatantah ta ruannan kehitäntäh. Yhissyš tariččou šiula tovarissua ta kohan, kumpasešša voit luuvva yhtehykšie ta keräytyö yheššä.

Yhissykšeh kuulujana jäšenenä šuat hyvykšie ta alennukšie kuin ošah retkimatoista, opaštumisista

tai muista pitoloista.

Jäšenmakšu vuotena 2022:

20€ / jäšen ta 10€ / opaštuja, ruavottaolijat, pensijallaolijat ta vähävaraset.

Maksutiijot löyvät alahuata tällä šivulla.

Kannatušjäšenyš

Tahotko nähä jotta Pielisen Tietoniekkakeškuš kašvau rutompah? Voit tulla kannatušjäšenekši ta tukie šiun tahon mukasella rahašummalla yhissykšen toimintua. Kannatušjäšenenä šuat kaikki hyvykšet tai väkitukku passipuo.

Makšutiijot

Makšu luajitah yhissykšen tilillä. Muissa käyttyä oikieta viitehnumeruo makšuo luatiessa. Työnnä kuva tahi kopio kuitista yhissykšen šähköpoštih info@tietajakeskus.org ta lisyä nämä omat tiijot viestih: Nimi, adressi, telefoninumero.

Pielisen Tietäjäkeskus ry

FI36 5770 0520 5351 44

Viitenumerot

Jäsen: 1009

Kannatusjäsen: 1012

Yhtehyštiijot

Voit kirjuttua meilä šähköpoštilla info@tietajakeskus.org

ta/elikkä

miän aktivisilla Facebook-šivuloilla